الترجي في حالة حرب ضد عديد المكونات
الترجي في حالة حرب و الجمهور لازم يكون واعي و فاهم مليح الوضعية و ما يخليش غشو يكون سلاح يستخدموه اعلام الكسرونات ضد النادي متاعنا

انقد و اعملهم الكل .. اما تعطيش كرومتك للعديان الي يستناو فينا في الدورة .. الترجي بين اخر دربي و دربي اليوم فقط رفيعة كان اساسي .. التغييرات الي صارت في الترجي جذرية و كبيرة و هذا واقع بالسيف عليك لازم تقبلو و تتعامل معاه و الفريق لازمو وقت
الازمة عندهم مش عندنا و هوما ساكتين حاشمين من الكنزاري .. اخر 4 اطراح 2 خساير و 2 تعادلات .. قبلهم في الترتيب .. و روزنامتنا خير منهم
ما تسمعوش كلام البلاتوات بش يشككو في ملاعبيتكم و مدربكم .. مش حب فيكم و خوفا على مستقبل الترجي .. اما في اطار دس السم في العسل
فما نقائص و اغلاط في الترجي لازم تتصلح و بش تتصلح بحول الله ..
الفريق في اول شهر حقق اهدافو .. الترشح للمجموعات و تصدر البطولة .. فما نقائص اكيد .. فما ملاعبية خارج الموضوع اكيد زادة .. و الشي هذا بش نخدمو عليه في المستقبل
الترجي في حالة حرب و الجمهور لازم يكون واعي و فاهم مليح الوضعية و ما يخليش غشو يكون سلاح يستخدموه اعلام الكسرونات ضد النادي متاعنا