الانتقال إلى المحتوى
FR

ياخي باش يشكيو بيهم خاطر يشطحو بعد الطرح؟

, المدة 1:00

بعد ما خرج بلاغ يتّهم زوز لاعبين من الترجي الرياضي التونسي بترديد أغاني فيها كلام جهوي وإهانات موجّهة للمنطقة وللنساء والأمهات، الفيديو الموجود قدّامنا يخلّي الواحد يطرح سؤال بسيط برشة: وينو الكلام اللي تحكى عليه البلاغ؟ بالعكس، اللي يظهر بوضوح في الفيديو إنّ اللاعبين كانوا يغنّيو ويحتفلوا مع الجماهير، وكل ما توصل الأغنية لمقطع فيه كلام خايب أو سبّ، يسكتوا وما يردّدوش الكلام. يعني حتى الحكاية اللي كان ينجم الواحد يقول عليها «اندفاع بعد ماتش» ما صارتش: اللاعبين ظاهر عليهم عاملين حسابهم، وعارفين بالضبط شنوّة يقولوا وشنوّة ما يقولوش. ياخي المطلوب بعد الماتش اللاعب لا يغنّي، لا يفرح، لا يشطح، لا يضحك… يقعد واقف في وسط التيران ويطلب الإذن قبل ما يحتفل؟ وإذا التهمة هي ترديد كلام جهوي أو مهين، الفيديو موجود قدّام الناس الكل: شوفوه، اسمعوه، واحكموا وحدكم. ونعتذر مسبقاً على بعض الألفاظ الموجودة في الأغنية والمسموعة في الفيديو، لكن نشر المقطع ضروري خاطر كي تتوجّه اتهامات للاعبين، من حق الجمهور يشوف الوقائع كاملة موش كان يقرأ بلاغ ويعتبره حقيقة نهائية. إحنا ما باش نفسّروا للناس شنوّة لازم تصدّق. الفيديو موجود. البلاغ موجود. والحكم نخليوه للجمهور. أما بالله المرّة الجاية، قبل الشكاية… تثبّتوا مليح: خاطر السكوت وقت الكلام الخايب موش جريمة، والشطيح بعد الربح مازال ما دخلش للمجلة الجزائية.

فيديوهات أخرى

مباشر

Radio Espérance de Tunis